Góða tú.
Takk fyri brævið.
Tað ljóðar sum tað er strævið hjá tær við tínari góðu vinkonu og øðrum vinkonum fyri tíðina – tað má vera hart. Vit hava øll brúk fyri vinum og kunnu blíva kedd, tá tað ongur illa við okkara vinum. Man kann skjótt fara at hugsa, at man skal broyta seg fyri at passa inn, men tað er ikki altíð loysnin.
Tað kann vera gott fyri okkum at tosa við onkran um hvussu vit hava tað og sum kann hjálpa okkum at vita hvat vit skulu gera. So eg vil ráða tær til at tosa við onkran vaksnan, sum tú hevur fott álit á, kanska mammu ella pápa tín ella onkran annan vaksnan í familjuni, sum tú hevur gott samband við – so kunnu tit í felag finna útav hvussu tú fært broytt hesa støðuna.
Alt tað besta.
Heilsan Svanna
