Telefon Ráðgevingin
116 111 Tú & Eg Ráðgevingin er ein ókeypis ráðgeving til børn og ung. Tørvar tær ráð, vegleiðing, ella bara onkran at tosa við, so kanst tú ringja til ráðgevingina á 116 111.
Øll, ið ringja, eru dulnevnd. Tað merkir, at vit síggja ikki, hvør tað er, sum ringir, og tær nýtist ikki at upplýsa navn.
116 111 Tú & Eg Ráðgevingin svarar gerandisdagar frá klokkan 10:00 til 16:00 og hvørt kvøld frá klokkan 20:00 til 22:00.
Brævkassin
116 111 Tú & Eg Ráðgevingin hevur eisini ein brævkassa. Her kanst seta alskyns spurningar og biðja um ráð, og ein ráðgevi svarar síðani brævinum. Tú ert eisini dulnevndur, tá tú skrivar til brævkassan.
Tað kann taka nakrar dagar at fáa svar uppá brævið, so um tær tørvar skjóta vegleiðing, er betur at ringja til ráðgevingina.
Tú & Eg Prát
Tú & Eg Prát er eitt víðkað tilboð í Tú og Eg Ráðgevingini. Um tær tørvar onkran at tosa við ella bara onkran at lurta, er møguleiki at koma á skrivstovuna hjá Barnabata til eitt prát.
Ring til okkara á 116 111 og vit avtala eitt prát skjótast til ber.
EG & LÍVIÐ
Her kanst tú lesa um ymisk evni, ið kunnu vera viðkomandi fyri ung. Eitt nú um einsemi, ótta, menstruatión, happing, kynslív og ymiskt annað.
