Góða genta
Tað ljóðar strævið hjá tær at hava tað soleiðis. Tað er ikki stuttligt ikki at trívast í skúlanum, tá hann fyllir so nógv í gerandisdegnum. Tað ljóðar, sum um tú hevur fingið eina avtalu í lag hjá sálarfrøðingi, og tað ljóðar gott – tí so roynir onkur at gera okkurt við støðuna. Kundi tú kanska roynt at funnið útav, nær avtalan við sálarfrøðingin er?
Um tú ikki longu hevur roynt tað, so kann eg eisini viðmæla tær at tosa við heilsufrøðingin á skúlanum – tær duga væl at tosa við børn og ung um hesi tingini, um tað, sum lærararnir siga, og hinir næmingarnir gera, sum gera teg kedda og óða. Tú ert eisini vælkomin at ringja til ráðgevingina á 116 111 millum kl. 20-24. Har kanst tú tosa við ein vaksnan uttan at siga, hvør tú ert.
Alt tað besta,
Annika