Góða tú ❤️
Takk fyri tín eldhuga at tú bjóðar teg fram at gera mun og møta øðrum, sum tørva hjálp. Halt fast í tínum elduhuga og fyll á við vitan og íblástri. Stuttligt at tú kennir tíni áhugamál og hvat tú kundi hugsa tær at gjørt sum vaksin, so tú kanst menna tína vitan innan økið til tú skalt søkja inn til víðari lestur. Tú hevur møguleika at velja røttu fakini á miðnám, sum geva atgongd til at sleppa inn til at lesa sálarfrøði. Fantastikst!
Í 116 111 Tú & Eg ráðgevingini hava vit valt bert at hava útbúðnar sálarfrøðingar til at svara brøvunum, sum børn og ung senda inn. Hesi starvast øll sjálvboðin og uttan løn.
Tú ynskir at koma í gongd beinanveg við at brúka tíni áhugamál. Skilji teg væl. Tað er so deiligt at sleppa at brúka seg sjálvan, brúka tað mann hevur áhuga fyri og gera mun…
Hvussu er í tínum nærumhvørvi? Hevur tú møguleika at bjóða teg fram til sparring og vegleiðing til onnur ung í skúlanum ella í fríðtíðarumhvørvinum har tú kemur? Hugsi møguligir skúlapallir, Strok, næmingarráð og líknandi?
Set teg endiliga í samband við okkum, um tú ynskir sparring ella vegleiðing víðari. Vit vilja fegin sparra við teg um møgueikar fyri at fáa royndir innan títt áhugaøkið.
Bestu ynskir,
Hedvig