Hey og takk fyri, at tú skrivar til okkara.
Tað ljóðar, sum tú stríðist við nakrar tungar tankar, m.a. um einsemi og at vera bangin fyri, at tú tekur lívið av onkrum. Hetta eru álvarsamir tankar, sum hevði verið gott hjá tær at fingið skil á. Og eg skilji ordiliga væl, at tú vilt hava onkran at práta við – tað kann vera sera trupult at føla seg einsamallan.
Eg haldi, at eg vil ráða tær at seta teg í samband við kommunulæknan hjá tær, soleiðis at tú kanst byrja at tosa við onkran professionellan um tínar tankar. Kommunulæknin kann antin tosa sjálv/ur við teg, ella hann/hon kann vísa tær víðari til ein annan professionellan, sum kann tosa við teg um hesar tankarnar. Hetta hugsi eg mest av øllum, tí tað kann vera so tungt at ganga einsamallur við slíkum tankum.
Tú ert eisini vælkomin at ringja (anonymt) til ráðgevar á 116 111, um tú vilt tosa um tína støðu og tínar møguleikar fyri at fáa hjálp. Ráðgevar hjá Barnabata svara telefonini hvørt kvøld kl. 20-24.
Alt tað besta.