Góði túTakk fyri brævið.Tá tú ringir 116 111, er púra ómøguligt hjá ráðgevunum, sum taka telefonina, at síggja, hvør ringir. Tað, sum ráðgevarnir gera, er, at tey taka eitt prát við teg um tað, sum tú hevur hug at práta um júst tá. Eingin ávís tíð er sett av til prátið, so tit práta, so leingi sum tað gevur meining hjá tykkum. Tú kanst eisini ringja fleiri ferðir, um tú hevur hug til tað.Ert tú í aldrinum 15-25 ár, er eisini møguligt hjá tær at fáa ávísing frá lækna til 10 samrøður við sálarfrøðing, har tú ikki skalt gjalda nakað.Alt tað besta.
