Hey og takk fyri brævið!
Tú spyrt, hvat tú skal gera, tí títt hár er turt og vemmiligt. Eisini sigur tú, at tú hevur roynt at koyra ymiskt í hárið, sum ger, at tú missir hár. Haldi at tað ljóðar løgið, at tú missir hár av tí, sum tú koyrir í. Keypur tú hárkur frá einum frisøri? Eg vil ráða tær at biðja um tíð hjá einum frisøri, kanska best um tað er ein, sum arbeiðir við vistfrøðiligum evnum. Greið honum frá um tín trupulleika við tínum hári, og bið hann ráða tær til, hvat tú skalt gera. Hann hevur sikkurt onkur góð ráð at geva tær, og væntandi okkurt gott til at røkja títt hár við, sum fer at betra um tað. Eisini er møguligt at fáa frisørin at koyra ein góðan kur í hárið hjá tær.
Góða eydnu!
Vinarliga Tú & Eg Ráðgevingin
