Góða Tú
Takk fyri títt bræv.
Tað er ein stór avgerð tú hevur tikið, og tað er deiligt at lesa at tú hevur tikið tað røttu avgerðina fyri teg. Tað er ymist hvussu man hevur tað eftir eina abort. Summar kvinnur føla seg lættaðar og hugsa bara um fosturtøkuna viðhvørt. Mítt í einum vanligum og góðum gerandisdegi, kunnu kvinnur eisini uppliva at brádliga blíva keddar. Tað er eisini vanligt at fáa ringa samvitsku viðhvørt, sjálvt um tú ikki angrar nakað.
Tær flestu kvinnurnar halda at tað hjálpir at tosa við onkran um tað, okkurt menniskja sum tú hevur hevur álit á. Tað kann tó vera ringt hjá øðrum at skilja, hvat tað er tú hevur verið ígjøgnum. Tí at, sjálvt um tað var tín egna avgerð, er tað vanligt at føla skomm, sorg ella at brádliga ivast, um tað nú var tann rætta avgerðin.
Vit hava eina fosturtøkuráðgeving í Føroyum, tað eru heilsufrøðingar sum tú kann tosa við. Tú kann lesa meira um teirra ráðgeving her: leinkja til Gigni
Góða ráð hevði verið hjá tær at sett teg í samband við Gigni, men eisini at tú skal finna tær onkran at fortelja tað fyri, so tú ikki er einsamøll við hesum.
Alt tað besta,
Tú & Eg Ráðgevingin
