Góða genta,
Sum eg dugi at lesa, so hevur tú ikki havt tað so gott í eina tíð og hevur tí leita til dreingir, sum tú í dag hevur tað ringt við. Tú skrivar, at tú hevur verið fanga í einum etingarólagi fyri at sleppa av við tína pínu. Hetta er tíanverri nakað, sum rakar nógvar gentur á tín aldri, og tú skalt vita, at tað er hjálp at fáa fyri tað. Tað eru sálarfrøðingar sum hava servitan innan etingarólag, og duga at hjálpa ungum, sum tær, við slíkum trupulleikum. Eg vil viðmæla tær at deila tína pínu við mammu tína, og siga, at tær tørvar hjálp. Tað ljóðar, sum tú og mamma tín hava eitt gott samband, so eg vænti, at hon hevði viljað hjálpt og stuðlað tær í hesum.
Tú følir teg einsamalla og tóma, harafturat angrar tú, tað sum tú hevur gjørt. Eg hugsi, at tann lívsstílurin sum tú greiður frá, ger tað ikki nakað gott. Um tað veruliga var gott fyri teg, so hevði tú nokk ikki følt teg so tóma. Eg vil heilt víst ráða tær til at gera broytingar í tínum lívsstíli.
Støðan sum tú lýsir, er ov tung hjá tær at bera einsamøll, so eg vil heilt sikkurt ráðgeva tær at biðja um hjálpa. Ein sálarfrøðingur kann vera við at styrkja teg og vegleiða teg til ein betri og sunnari lívsstíl. Tú kanst brúka tað hjálpina frá einum sálarfrøðingi, til alt tað, tú stríðist við. Visti tú av, at tú kanst ringja til tín egna kommunulækna og spyrja hann ella hana, um tú kann fáa hjálp? Tað vilja vit ráða tær til at gera.
Tú er eisini altíð vælkomin at ringja til okkara á 116 111, um tú vil práta meira. Tað er ókeypis at ringja og tú ert dulnevnd.
vinarliga,
Tú & Eg Ráðgevingin
