Góðu tú
Tað kann verða strævið at alla tíð blíva avbrotin, tá ið ein tosar. Tað fyrsta sum vit komu at hugsa um í hesum sambandi er, at tú kanst vísa mammu tíni barnarættindasáttmálan. Har stendur (Grein 12, 13, 14, 15) https://barnabati.kinsta.cloud/barnaraettindi/
At tí altíð hevur rætt at siga tína hugsan. Kanska tú kanst bjóða mammu tíni til eitt prát, har tit fara inn á heimasíðuna hjá Barnabata, og hyggja eftir hesum greinum í sáttmálanum. Best er at gera hetta, tá tú ikki hevur henda trupulleikan. Tað vil siga, tá tú ikki følir at tú má fara inn í kamari, tí mamma tín kemur aftaná tær, og brýtur av alla tíðina.
Um tit fáa eina hugnaliga løtu saman og tosa um hesi viðurskiftið, so kann hetta verða við til, at tit framyvir geva hvørjum øðrum meira umsorgan og tolsemi. Tað er sera umráðandi at fáa sagt tað ein hevur uppá hjarta, og tað er minst líka týdningarmikið, at kenna, at tað er ein sum gevur sær stundir at lurta eftir einum. Tú er sjálvandi eisini vælkomin at vísa mammu hetta svarið. Vónandi hjálpir hetta.
Vinaliga
Tú & Eg Ráðgevingin
