Hey
Øll ið hava verið, ella eru forelskaði, vita hvussu kiksað tað er, tá ið hin, man er forliptur í, ikki vil tosa um hendingar, ið eru misskiltar. At tú dansar við øðrum enn damuni er ein mannarættur, men kann eisini verða misskiltur sum ótrúskapur, sum tað er hent í tínum føri. At verða misskiltur er nakað sum er vanligt bæði fyri ung og vaksin, men er altíð keðiligt.
Nú nevnir tú eisini, at tú dansaði tætt við dronginum, og hóast tú ikki vilt hava hann, so er tað kanska tí at tú dansaði tætt við honum, at daman hjá tær misskilti støðuna.
Ráðini til tín eru, at tú heldur fast í tína egnu uppliving og uppfatan av støðuni. Tað er heldur eingin orsøk til at sita og rotna í einum hjørni, tá tú fert í býin. Og tað er einki galið við at dansa heldur. Men nú nevnir tú at tú dansaði tætt við dronginum. Og hóast tú ikki vilt hava hann, so er tað kanska nettupp tí at tú dansaði tætt við honum, at daman misskilti støðuna.
Eg vil ráða tær til at halda áfram við at tosa við damuna og ikki geva upp. Tú kanst ikki gera annað enn at greiða henni frá, at tú ikki ert áhugað í dronginum tú dansaði við, men at tú elskar hana. Gev henni tol, so tit ein dag fáa rudda misskiljingarnar av vegnum.
Góða eydnu við kerligheitini……….
Tú & Eg Ráðgevingin
