Til tín, sum ikki hopar at tað passar.
Takk fyri brævið. Nøkur ung fortelja, at tey hava hug at royna, ella hava roynt rúsevni. Tey nýtast ikki at vera ring menniskju kortini. Men tað er ikki gott og kann vera vandamikið at nýta rúsevnir! Tí haldi eg, at tú skalt tosa við flokslæraran ella ein annan lærara hjá tykkum og fortelja honum ella henni, at tú hevur hoyrt at nøkur í flokkinum hjá tykkum roykja, og at ein møguliga drekkur og hevur roynt ecstasy. Tú kanst siga, at tú ikki hevur hug at bera slatur, men hevur hug at hjálpa honum. Um tú ikki torir at fortelja tað, kanst tú kanska fáa mammu ella pápa tín at hjálpa tær at siga tað við læraran. Vónandi fer tað at eydnast hjá tær.
Vinarliga,
Tú & Eg Ráðgevingin
