Góða Genta
Takk fyri títt bræv. Harðskapur er ikki loyvdur, uttan mun um talan er um kropsligan harðskap ella sálarligan harðskap. Tað er líka mikið um tú hevur sagt okkurt ljótt ella ikki akta boðunum ella ynskjunum hjá tínum foreldrum, so er tað ikki loyvt at brúka harðskap. Tað er gott at tú sigur frá viðvíkjandi hesum.
Tú skrivar at pápi tín knappliga bleiv harðligur og skumpaði teg ofta. Tað er eitt sindur torført hjá okkum at skilja alla støðuna, tá vit ikki kenna til allar smálutir, men tú skal vita, at tað ongantíð er loyvt ella ok at skumpa ein í gólvið ella nýta annan harðskap. Bestu ráð vit kunnu geva, er at tú tosar við pápa tín um hesa støðuna, og hvussu hon hevur ávirka teg. Henda ráðgevingin er anonym, so vit mugu ráðgeva hareftir. Tað vil siga, at vit mugu viðmæla at tú tosar við tín lærara, ella onkran annan vaksnan tú hevur álit á, og følir at tú kanst tosa við. Tá ið ein er undir 18 ár, so hava vit eisini barnaverndir kring landið, ið eru til fyri at tryggja at øll børn í Føroyum hava tað gott. Nú vita vit ikki hvar tú býrt, men her er eitt yvirlit yvir allar barnaverndartænasturnar í Føroyum. Trýst á hasa leinkjuna, so finnur tú telefonnummari til tænastuna har tú býrt. Um tú ikki vilt ringja, so kanst tú eisini ringja til okkara á 116 111. Tað er til Tú & Eg Ráðgevingina. Tað er anonymt at ringja. Tað vil siga at vit síggja ikki títt telefonnummar.
Vinaliga
Tú & Eg Ráðgevingin
