Góða forelskaða genta!
Takk fyri títt fitta bræv. Forelskilsi eru altíð bæði ring og góð. Man er bæði glaður og keddur, uppi og niðri. Tað tú kanst gera, er at vera tú sjálv, og so royna at finna mátar at vera saman við honum, til dømis at gera okkurt saman í fríkorterum ella aftaná skúlatíð, tit og fleiri vinfólk. So kanska tú vinnur hansara hjarta við tíðini.
Tú skrivar eisini um vinkonu tína, tað ljóðar sum tit nýliga eru vorðnar vinkonur. Tað er gott at hoyra, at tit eru glaðar saman, tí vinir eru so týdningarmiklir.
Tað seinasta í brævinum skilji eg ikki ordiliga, men eg giti, at tú meinar, at tríggir dreingir vísa tær áhuga, at teir kanska eru smáforelskaðir í tær? Um so er, so skilir tú, hvussu teir hava tað, tí tú ert sjálv forelskað. Teir hava tað sikkurt líka ringt sum tú, og føla seg kanska eisini sum býttar flugur! J
Alt tað besta
Tú & Eg Ráðgevingin
