Góði Tú
Tað er anonymt
Tá ið tú ringir ella skrivar til Tú & Eg Ráðgevingina kunnu vit ikki síggja hvør tú ert. Tað merkir at vit ikki kunnu spora nummari, ei heldur telduna skriva verur frá.
Tær nýtist ikki at fortelja okkum títt navn, og ráðgevarnir siga heldur ikki sítt navn.
Tað sæst ikki á telefonrokningini.
Tað er ókeypis at ringja. So, um tú hevur ringt til okkum á 116 111, so sæst hetta ikki á telefonrokningini. Tað merkir, at tíni foreldur ikki kunnu síggja at tú hevur ringt til okkum.
Men minst til, at telefonin allarhelst vísur hvørji nummur tú hevur ringt til, so minst til at sletta hetta, um tú ikki ynskir at nakar skal síggja hvønn tú hevur ringt til.
Heilsan,
Tú & Eg Ráðgevingin
