Góða Genta
Fyrst av øllum vilja vit takka fyri títt bræv.
Vit kunnu gera tað greitt beinanvegin. Tað er undir ongum umstøðum loyvið at brúka harðskap, hvørki sálarligan ella kropsligan.
Sum eg skilji, so skrivar tú, at pápi tín heldur at tú hevur trupulleikar við tínum sinnalagið, men hetta rættvísgerð ikki hansara gerðir, men fær meg samstundis til at hugsa júst hetta um hann.
Tú ert í einum aldri, har tín kroppur fer ígjøgnum nógvar broytingar, ikki bert útsjóndin á kroppinum, men eisini heilin fer ígjøgnum broytingar. Hetta ger at ein broytist í sinnið, og kann reagera annarleiðis enn frammanundan. Vit kalla tað eisini tannáringar, ella Teenager. Foreldur tíni eiga at vita, at tú fer ígjøgnum nógvar broytingar, og skulu gera alt fyri at rúma hesum, og at hjálpa tær.
Tað kann verða eitt sindur torført at koma við heilt greiðum ráðum til slíkar støður, tí at tað er neyðugt at spyrja eitt sindur nærri um hesar ymisku upplivingarnar áðrenn. Tí vilja vit fegin heita á teg um at ringja til okkara anonymu telefonráðgeving, á 116 111.
Vinaliga
Tú & Eg Ráðgevingin
